Sumqayıt şəhərində yerləşən tam orta məktəblərin birində maraqlı hadisə baş verib.
Yeni işə qəbul olunan gənc müəllimlərdən biri anket məlumalarını doldurarkən qəribə cavab verib. Belə ki, o milliyəti bölümündə "azərbaycanlı” əvəzinə, müsəlman cavabını qeyd edib. Bu hadisə məktəb müəllimləri arasında gülüşə və söz-söhbətə səbəb olub. Onlar "müəllimə milliyətini bilmirsə, necə uşaqlara dərs tədris edəcək”, deyə iradlarını bildiriblər. Hadisə Sumqayıt Şəhər 5 saylı tam orta məktəbdə baş verib.
Sözü gedən məktəbin direktoru Bəşir Şəfiyev açıqlamasında bu il yeni müəllimlərin işə qəbul olunduğunu təsdiq etdi. Direktorun sözlərinə görə, bir nəfər müəllimə yaş həddinə görə işdən azad olunub və 5 nəfər gənc müəllimə işə götürülüb. Məktəb direktoru müəllimənin milliyəti əvəzinə müsəlman cavabını verməsindən xəbərsiz olduğunu bildirdi. (Femida.az)
Xəbərdən istifadə edərkən istinad etmək vacibdir.
