Hazırda Sumqayıt məktəblərində şagird sıxlığı problemi hələ də öz aktuallığını saxlamaqdadır. Bu səbəbdən bəzi məktəblərdəki siniflərdə şagird sayınının çoxluğu və çoxluğun qarşısını almaq üçün ikinövbəli  rejim tətbiq olunur.
Xeberle.com olaraq hansı məktəblərdə tədrisin ikinövbəli rejimdə aparıldığını öyrənmək üçün kiçik bir araşdırma etdik.  Araşdırmamız nəticəsində məlum oldu ki, Sumqayıt şəhərində 30 məktəbdə tədris ikinövbəli rejimdə aparılır. Bunlar Təbiət Elmləri Təmayüllü Gimnaziya, Texniki və Təbiət Elmləri Liseyi, "Təfəkkür” liseyi  və 1, 2, 3, 4, 5, 6, 9, 10, 11, 12, 13, 14, 15, 16, 18, 21, 23, 26, 27, 29, 31, 33, 34, 35, 38, 39, 43 saylı tam orta məktəbləridir ki, bu da şəhərdə yerləşən bütün məktəblərin  60 faizini təşkil edir.  Məktəblərin 20-də isə dərslər birnövbəli rejim üzrə keçirilir.
Qeyd edək ki, Sumqayıt şəhərində 50 təhsil ocağı fəaliyyət göstərir.
Elnarə Salamova
Xeberle.com

Xəbərdən istifadə edərkən istinad etmək vacibdir.