Digər regionlarda olduğu kimi Sumqayıt şəhərində də iki mərkəzdə, 11 və 12
nömrəli tam orta məktəblərdə respublika fənn olimpiadalarının şəhər mərhələsi
keçirilib.
Sumqayıt şəhər Təhsil şöbəsinin Mətbuat xidmətindənXeberle.com-a verilən məlumata görə, olimpiadaların keçirilməsində məqsəd istedadlı uşaqların aşkar edilməsi,
şagirdlərdə fənlərə olan marağın artırılması, onların bilik və bacarıqlarını
nümayiş etdirmələrinə yardım etməkdir.
Olimpiadanın sualları Təhsil Nazirliyi tərəfindən
hazırlanıb və həmin gün olimpiada iştirakçılarına
təqdim olunub.
Bilik
yarışması 8 fənn üzrə (Azərbaycan dili və ədəbiyyatı, tarix, coğrafiya,
riyaziyyat, fizika, kimya, biologiya və informatika) keçirilib və keçən ilkindən
iki dəfə çox 1100-dən artıq şagird öz
biliklərini nümayiş etdirib.
Qeyd edək ki, bilik yarışmasında IX, X, və XI sinif
şagirdləri ilə yanaşı xüsusi istedada malik olan VII-VIII sinif şagirdləri də
iştirak ediblər.
Olimpiadanın gedişinə Sumqayıt şəhər tam
orta məktəblərinin qeyri-ixtisas fənn müəllimləri nəzarət ediblər.
Həmin
gün Sumqayıt Şəhər Təhsil Şöbəsinin əməkdaşları
monitorinqin gedişini izləyib və şagirdlərə bu məsuliyyətli bilik yarışında
uğurlar arzulayıblar.
Olimpiada mövcud təlimata uyğun keçirilib və
cavab kartları qiymətləndirmə üçün Təhsil Nazirliyinə göndərilib.
Xəbərdən istifadə edərkən istinad etmək vacibdir.
