Bu ildən Sumqayıt məktəblərinə və məktəbəqədər hazırlıq kurslarına qeydiyyat onlayn formada aparılacaq. Sumqayıt şəhər Təhsil şöbəsindən Xeberle.com-a verilən məlumata görə, Təhsil nazirinin müvafiq əmrinə əsasən, artıq valideynlər övladlarını məktəbə getmədən, sadəcə internet vasitəsilə orta təhsil müəssisələrinə və məktəbəqədər hazırlıq kurslarına qeydiyyat etdirə biləcəklər. Qeydiyyat prosesini həyata keçirmək istəyən valideynlər mektebeqebul.edu.az saytına daxil olaraq buna müvəffəq ola bilərlər.

Qeyd edək ki, Sumqayıt Şəhər Təhsil Şöbəsinin tabeliyindəki ümumi təhsil müəssisələrinə altı yaşı sentyabrın 16-dan dekabrın 31-dək tamam olan, xüsusi istedadı ilə fərqlənən uşaqların valideynlərinin (qanuni nümayəndələrinin) elektron ərizələrinin qeydiyyatı martın 12-dən iyunun 20-dək aparılacaq.