Sumqayıt şəhəri təhsil sahəsindəki uğurlarına görə daim fərqlənib. Məhz bu səbəbdəndir ki, hər il onlarla abituriyent yüksək bal yığaraq respublikanın nüfuzlu ali məktəblərinə qəbul olurlar. Onların içərisində Prezident təqaüdünə layiq görülənlər də az deyil.
Xeberle.com olaraq son 4 il müddətində sumqayıtlı Prezident təqaüdçülərinin sayını öyrənməyə çalışdıq. Sumqayıt şəhər Təhsil Şöbəsindən verilən məlumata görə, son 4 ildə şəhərimizdəki prezident təqaüdçülərinin sayı 29 nəfər təşkil edir.
Qeyd edək ki, Azərbaycan Respublikası Prezidenti İlham Əliyevin sərəncamına əsasən doktorantlar, ali təhsil, orta ixtisas və ilk peşə-ixtisas təhsili müəssisələrinin tələbələri və şagirdləri, həmçinin Azərbaycan Milli Elmlər Akademiyasının magistratura səviyyəsi üzrə tələbələri üçün müəyyən edilən təqaüdlərin artırılması nəticəsində mart ayının 1-dən etibarən prezident təqaüdçülərin alacağı məbləğ 181.50 AZN olacaq.
Elnarə Salamova
Xeberle.com
Xəbərdən istifadə edərkən istinad etmək vacibdir.
