Bir müddət əvvəl Sumqayıt şəhər Təhsil Şöbəsinin müdiri Nizami Namazov tutduğu vəzifədən azad olunub. Hazırda Sumqayıtda Təhsil şöbəsinin müdiri vəzifəsi boşdur və post müvəqqəti olaraq müdir müavini Ramin Abbasova həvalə olunub.
Artıq bir aya yaxındır ki, bu vəzifəyə kimin təyin olunması ilə bağlı xüsusən təhsil işçiləri arasında müxtəlif fikirlər dolaşır.
Xeberle.com-a daxil olan məlumata görə, bu vəzifəyə əsas namizəd kimi Sumqayıt şəhər 18 nömrəli tam orta məktəbin direktoru, eks deputat Leyla Abdullayevanın adı hallanır.
Böyük ehtimal ki, Sumqayıt şəhər Təhsil Şöbəsinin yeni müdiri məhz o olacaq.
Məlumat üçün bildirək ki, L. Abdullayeva 1959-cu ildə anadan olub. O, 2010-2015-ci illərdə 41 saylı Sumqayıt I Seçki Dairəsinin deputatı olub.
Xeberle.com
Xəbərdən istifadə edərkən istinad etmək vacibdir.
