Xeberle.com xəbər verir ki, görüşdə rayon İcra Hakimiyyətinin başçısı Malik İsaqov, RIH aparatının məsul işçiləri, idarə, müəssisə və təşkilat rəhbərləri, ictimaiyyət nümayəndələri, valideyinlər və məzunlar iştirak ediblər.

Tələbə adını qazanan gəncləri təbrik edən RİH-nin başçısı Malik İsaqov bildirib ki, təhsilin inkişafı Prezident İlham Əliyevin diqqət və qayğısı sayəsində dövlət siyasətinin prioritet istiqamətlərindən birinə çevrilib. Vurğulanıb ki, son illər təhsilin inkişafına xidmət göstərən 16 Dövlət Proqramı qəbul edilib. Qeyd olunub ki, rayonda 32 ümumtəhsil məktəb fəaliyyət göstərir ki, onlardan 14-ü yeni tikilib, 18-i əsaslı təmir olunub: " Eyni zamanda 2017/2018-ci tədris ilində Qubadlı rayon Xanlıq kənd ümumi orta məktəbi üçün yeni bina tikilərək şagird və müəllim kollektivinin istifadəsinə verilib. Cari ildə457 məzundan 390-ısənəd verib və onlardan 285-i ali məktəblərə qəbul olublar. Qəbul imtahanlarında iştirak edən 48 məzun 500-600 arası, 27 məzun isə 600-dən yuxarı bal toplayıb. Bu il rayon üzrə qəbul faizi 73% təşkil edib. Ötən il isə rayon ali məktəblərə qəbul imtahanlarının nəticəsinə görə respublika üzrə 1-ci yerdə olub. Butün bunlar Prezident İlham Əliyevin və Birinci-vitse prezident Mehriban xanım Əliyevanın həyata keçirdiyi uğurlu təhsil siyasətinin nəticəsidir."

Sonra çıxış edən Qubadlı rayon təhsil şöbəsinin müdiri Fuad Bədəlov, valideyinlər , məzunlar və digərləri gənclərlə görüşün təşkilinə, göstərilən diqqət və qayğıya görə ölkə və rayon rəhbərliyinə minnətdarlıqlarını bildiriblər.

Sonda yüksək bal toplamış gənclərə Qubadlı rayon İcra Hakimiyyəti tərəfindən mükafatlar verilib.