Xəbər verdiyimiz kimi, Prezident İlham Əliyev 2019/2020-ci tədris ilində Azərbaycan Respublikasının ali məktəblərinə daxil olan tələbələrə Prezident təqaüdünün verilməsi haqqında sərəncam imzalayıb.
Sərəncama əsasən, 2019/2020-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərən və Azərbaycan Respublikasının ali məktəblərinə daxil olan 102 tələbəyə təqaüd veriləcək.
Təhsil üzrə ekspert Etibar Əliyev Prezidentin sərəncamı ilə təqaüd alacaq tələbələrin hansı universitetlərdə oxuyacağını açıqlayıb.
Etibar Əliyev sərəncamın universitetlərin reytinqinin müəyyənləşdiyini qeyd edib.
Siyahını təqdim edirik:
Tibb Universiteti - 25 nəfər;
Bakı Ali Neft Məktəbi - 23 nəfər;
UNEC (Azərbaycan Dövlət İqtisad Universiteti) - 21 nəfər;
Bakı Dövlət Universiteti - 15 nəfər;
ADA Universiteti - 7 nəfər;
Prezident Yanında İdarəçilik Akademiyası - 7 nəfər;
Neft və Sənaye Universitetinin nəzdində UFAZ - 1 nəfər;
Xüsusi təyinatlı Ali Təhsil müəssisələri - 2 nəfər;
Naxçıvan Dövlət Universiteti - 1 nəfər. (oxu.az)
Xəbərdən istifadə edərkən istinad etmək vacibdir.
