STEAM Azərbaycan Festivalının final mərhələsinə Sumqayıtdan vəsiqə qazanan şagirdlər məlum olub.
Belə ki, Sumqayıt şəhər İstedad Liseyinin 6a sinif şagirdi Eldar Həmidov və T.İsmayılov adına 29 nömrəli tam orta məktəbin 6d sinif şagirdi Ceyran Bayramlının birgə hazırladığı "Xəzər dənizinin tullantılardan təmizləyən "EkoRobot”, həmçinin Təfəkkür liseyinin 11r sinif şagirdlərinin- Rəvan Ağazadəv və Səid Yusiflinin birgə hazırladığı "Chrome Dinosaur” adlı layihəsi adıçəkilən festivalın final turunda iştirak etmək hüququ qazanıb.
Qeyd edək ki, İstedad və 29 nömrəli məktəbin şagirdləri "STEAM open”, Təfəkkür liseyinin şagirdləri isə "Hackathon” kateqoriyası üzrə festivala qatılıb.
Xatırladaq ki, SAF (STEAM Azərbaycan Festivalı ) Təhsil Nazirliyinin dəstəyi ilə ilk dəfə olaraq 9-10 dekabr tarixlərində 6-11-ci sinif şagirdləri üçün Baku Expo Mərkəzində keçiriləcək.
Xəbərdən istifadə edərkən istinad etmək vacibdir.
