Bu gün Xidmət Sahələri üzrə Sumqayıt Dövlət Peşə Təhsil Mərkəzi, Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İnsan Alveri Qurbanlarına Yardım Mərkəzi və Sumqayıt şəhər Polis İdarəsinin birgə əməkdaşlığı çərçivəsində mərkəz tələbələrinin maarifləndirilməsi məqsədi ilə "İnsan alveri, onun mahiyyəti və törətdiyi fəsadlar " adlı seminar keçirildi.
Xeberle.com xəbər verir ki, görüşdə İnsan Alveri Qurbanlarına Yardım Mərkəzinin baş məsləhətçisi Eldar Muradov, psixoloqu Elnarə Əliyeva, Sumqayıt şəhər Polis İdarəsinin əməkdaşları Azər Bağırov, Aqşin Məmmədov, Mərkəzin direktoru Gülşən Ömərova və psixoloqu Rəna Muxtarova çıxış etdilər.
Görüşü keçirməkdə məqsəd bu sahədə gənclərin məlumatlılığını artırmaq, mövcud risklərin qarşısını almaq, müəyyən olunmuş qaydalar, prosedur və şərtlərlə tanış etmək, yeniyetmə və gənclərimizi ayıq-sayıq olmağa, istismara məruz qalmamağa və bu təhlükədən uzaq olmağa çağırmaqdır.
Xəbərdən istifadə edərkən istinad etmək vacibdir.
