Sumqaytlı məktəbli "Rəqəmsal gələcəyə addım” respublika müsabiqəsinin qaliblərindən biridir.
Xeberle.com xəbər verir ki, bu haqda Sumqayıt Şəhər Təhsil Şöbəsi məlumat yayıb.
Məlumata əsasən, 5-7-ci siniflər üzrə 1-ci yerin qalib komandasının üzvlərindən biri də Sumqayıt şəhər 5 nömrəli tam orta məktəbin 6ç sinif şagirdi Nuray Mikayılovadır.
Müsabiqə Təhsil Nazirliyi və "Alqoritmika” beynəlxalq təhsil şirkəti tərəfindən V-IX sinif şagirdləri üçün təşkil edilib. Yarışmanın finalında respublikanın 61 məktəbindən 20 komanda – 100 şagird iştirak edib.
Sonda təhsil nazirinin müavini Muxtar Məmmədov, "Alqoritmika” şirkətinin təsisçisi Andrey Lobanov, Təhsil Sisteminin İnformasiyalaşdırılması İdarəsinin rəisi Vüsal Xanlarov qalib komandalara sertifikat və hədiyyələr təqdim ediblər.
Xəbərdən istifadə edərkən istinad etmək vacibdir.
