"Dünyanın, hətta inkişaf etmiş ölkələrinin yaranmış iqtisadi böhran və çətinliklərdən çıxış yolları axtardığı bir vaxtda, Azərbaycan xalqının sağlamlığının qorunması, rifahının yaxşılaşdırılması istiqamətində Prezident İlham Əliyevin rəhbərliyi ilə görülən işlər diqqət mərkəzindədir. Ölkə əhalisinin rifah halının yaxşılaşdırılması aparılan sosial-iqtisadi siyasətin mühüm prioritetlərindən biridir. Son illərdə bu istiqamətdə ciddi irəliləyişlərə nail olunmuş, əhalinin sosial müdafiəsinin gücləndirilməsi, sosial ödənişlərin, əməkhaqlarının artırılması istiqamətində ardıcıl addımlar atılmışdır".
Bu sözləri Xeberle.com-a açıqlamasında Xidmət Sahələri üzrə Sumqayıt Dövlət Peşə Təhsil Mərkəzinin direktoru Gülşən Ömərova deyib. G. Ömərova bildirib ki, Prezident İlham Əliyev ölkədə təhsilin inkişafını hər zaman xüsusi diqqətdə saxlayır. Direktor vurğulayıb ki, bu addımların bariz nümunəsi kimi Prezident İlham Əliyevin ölkənin təhsil sistemində çalışan pedaqoqların əmək haqqının artırılması ilə bağlı bu gün verdiyi sərəncamlardır: "İnanıram ki, bu, müəllimləri öz çətin, məsuliyyətli və şərəfli işində daha həvəslə, əzmlə çalışmağa sövq edəcək və təhsilin keyfiyyətinin yüksəlməsinə birbaşa təsir edəcək. Bununla da Azərbaycan təhsili özünün yeni inkişaf dövrünə qədəm qoyacaq".
Xəbərdən istifadə edərkən istinad etmək vacibdir.
