Xidmət Sahələri üzrə Sumqayıt Dövlət Peşə Təhsil Mərkəzində 1 saylı Ceyranbatan və 1 saylı Qobu orta məktəblərinin Peşə Təmayüllü siniflərinin şagirdləri üçün Açıq Qapı Günü elan edilib.
Xeberle.com-a verilən məlumata görə, Açıq Qapı Günü mərkəzin "Aşpaz" ixtisası üzrə təhsil alan I kurs tələbələri və Peşə Təmayüllü siniflərin "Aşpaz köməkçisi" ixtisası üzrə təhsil şagirdlərindən ibarət qrupun Sumqayıt şəhərində yerləşən nüfuzlu "Poseidon Restaurant & Lounge" və "Turan" Restoranlar Şəbəkəsinin bazasına infoturu təşkil edilib.
Turun məqsədi peşə təmayüllü siniflərin şagirdlərinə peşə təhsili və təlimi pilləsi, onun effektivliyi, bu təhsil pilləsi vasitəsi ilə əmək bazarına inteqrasiyanın əlçatanlığı haqqında məlumat vermək, Mərkəzin fəalliyyəti, burada tədris edilən ixtisaslar, peşəkar kadrlar, təlim-tədris prosesi və təcrübə proqramı ilə tanış etmək, məktəblərarası yoldaşlıq münasibətinin təməlini qoymaq və hər üç müəssisənin tələbə və şagirdlərini istehsalat ilə yaxından tanış etmək idi.
Xəbərdən istifadə edərkən istinad etmək vacibdir.
