Sumqayıt məktəbliləri ingilis dili üzrə "Master readers" adlı olimpiadada böyük uğur əldə ediblər.
Xeberle.com xəbər verir ki, bu barədə Sumqayıt şəhər Təhsil Şöbəsi məlumat yayıb. Bildirilir ki, Sumqayıt şəhəri üzrə 15 məktəb və 50-yə yaxın şagird iştirak edib. Onlardan 24-ü qızıl, 12-si gümüş, 4-ü bürünc medal qazanıb.
Belə ki, Təbiət elmləri təmayüllü gimnaziya, Təfəkkür, Texniki və təbiət elmləri liseyi, 1, 2, 5, 11, 12, 30, 31, 41 nömrəli tam orta məktəblərin şagirdləri qızıl, Təbiət elmləri təmayüllü gimnaziya, Təfəkkür liseyi, 5, 15, 27, 31, 35 nömrəli tam orta məktəblərin şagirdləri gümüş və Texniki və təbiət elmləri liseyi, 5, 31, 35 nömrəli tam orta məktəblərin şagirləri isə bürünc medala layiq görülüblər.
Xəbərdən istifadə edərkən istinad etmək vacibdir.
