Xeberle.com xəbər verir ki, keçirilən tədbirdə Təhsil Nazirliyinin məsul əməkdaşı Əhliyət Adığözəlov, Sumqayıt şəhər Təhsil Şöbəsinin müdiri Arzu Alızadə, Fövqəladə Hallar Nazirliyinin əməkdaşı Süleyman Heydərov, məktəbin direktoru Leyla Abdullayeva və şagirdlər iştirak edib. Şagirdlərə minanın təhlükəli tərəfləri və minalı ərazilərdə necə diqqətli olmalı, mina ilə qarşılaşdıqda necə rəftar etməli olduqları barədə məlumat verilib. Həmçinin şagirdlərə mina təhlükəsizliyi haqqında videoçarxlar nümayiş etdirilib, maarifləndirici söhbətlər aparılıb.