Sumqayıt Regional Mədəniyyət İdarəsinə tabe olan Mərkəzləşdirilmiş Kitabxana Sisteminin Mərkəzi Uşaq Kitabxanasında kitaba, mütaliəyə marağın artırılması, asudə vaxtın daha maraqlı və məzmunlu təşkili məqsədilə S.Vurğun adına Mərkəzi Kitabxana tərəfindən irəli sürülən "Yayı kitabla keçirək” adlı layihəyə əsasən "Ziyalılarımızı tanıyaq” adlı tədbirlə start verilib.
Tədbir yazıçı-publisist, əməkdar jurnalist Eyruz Məmmədov, 12 nömrəli tam orta məktəbin şagirdləri, müəllim və valideynlərin iştirakı ilə baş tutub.
Tədbiri giriş sözü ilə açan kitabxananın multimedia mütəxəssisi Səbinə Qasımova oxucuların mütaliə vərdişlərinin təkmilləşdirilməsi və onlarda mütaliə mədəniyyətinin formalaşdırılması ilə bağlı təklif olunan bu layihənin əhəmiyyəti, kitabın insan həyatındakı əvəzsiz rolu, mütaliənin faydaları haqqında məlumat verib.
Sonra çıxış edən yazıçı-publisist, əməkdar jurnalist Eyruz Məmmədov uşaq və yeniyetmələrin mütaliə vərdişlərində kitabxananın imkanlarını cəmiyyətə göstərmək məqsədilə təşkil etdikləri "Dostlar klubu”nun məramından, dahi mütəfəkkirlərin, elm və sənət xadimlərinin kitab, mütaliə haqqında dəyərli fikirlərindən sitatlar gətirib, kitabın insan xarakterinə, düşüncəsinə bilavasitə təsirini yaxşı kitablardan öyrənməyi məsləhət verib, sonra uşaqların müxtəlif mövzulu suallarını cavablandırıb.
Sonda çıxış edən Mərkəzi uşaq kitabxanasının müdiri Nailə Tağıyeva və 12 nömrəli tam orta məktəbin tarix müəlliməsi, məktəbin psixoloqu yay aylarında uşaqların və yeniyetmələrin asudə vaxtlarını səmərəli keçirmələrinə xidmət edən, onların kitaba marağını fəallaşdıran, mütaliə mədəniyyətinə cəlb edən, uşaqların təxəyyülünü, yaradıcılığını inkişaf etdirən yay mütaliəsinin vacibliyini qeyd edib, uşaqlarla səmimi söhbətə, faydalı məsləhət və tövsiyələrə görə tədbirin fəxri qonağı Eyruz Məmmədova öz təşəkkürlərini bildiriblər.
Xəbərdən istifadə edərkən istinad etmək vacibdir.
