İqtisadi Zonaların İnkişafı Agentliyinin Peşə Təhsil Mərkəzi ilə Ümidli Gələcək Sosial Təşəbbüslər İctimai Birliyinin əməkdaşlığı çərçivəsində Azərbaycan Gənclər Fondunun və UNICEF-in Azərbaycandakı Nümayəndəliyinin dəstəyi ilə "Emosional-psixoloji vəziyyətə dair maarifləndirmə” mövzusunda növbəti təlim keçirilmişdir.
Xeberle.com məlumat verir ki, Peşə Təhsil Mərkəzində təşkil edilən təlimlərin keçirilməsində məqsəd uşaq və gənclər arasında sosial-psixoloji problemlərdən irəli gələrək həyatdakı çətinliklərlə düzgün mübarizə, müsbət düşüncənin formalaşdırılması, zorakılığın müxtəlif formalarının qarşısının alınması və dəstək xidmətləri barədə məlumatlılığın artırılmasıdır.
Təlim zamanı təlimçi-ekspertlər tərəfindən yeniyetmə və gənclərin emosional-psixoloji durumuna təsir edən amillər, gənclərin emosional-psixoloji durumuna təsir göstərən düşüncə xətalarının müəyyənləşdirilməsi və onlarla mübarizə texnikaları, psixososial dəstəyə ehtiyacı olan yeniyetmə və gənclərdə alternativ təfəkkürün formalaşdırılması mövzuları üzrə məlumatlar tələbələrə təqdim edilir, praktik məşğələlər və iştirakçılarla müzakirələr təşkil olunur.
Xəbərdən istifadə edərkən istinad etmək vacibdir.
