Sumqayıt Dövlət Universitetində (SDU )kütləvi ixtisarlar dalğası başlayır. Bu barədə redaksiyamıza məlumat verən mənbə ixtisarları son günlər aparılan strukturlar dəyişikliyi ilə izah edilir.
Görəsən, SDU-da "islahatlar”ın aparılmasında məqsəd nədir?
Mənbənin Xeberle.com-a verdiyi məlumata görə, 50-yə yaxın işçinin ixtisara düşməsi gözlənilir. Kitabxana, xidmət və mərkəzlərin ləğvi nəzərdə tutulur. Bura kitabxana, informasiya və texnologiyalar mərkəzi, mətbuat və ictimiayyətlə əlaqələr xidməti, dil və tərcümə mərkəzi kimi strukturlar daxildir. Tədris metodiki mərkəzin isə yeni strukturunun yaradılması planlaşdırılır. Bildirilib ki, universitetdə işdən azad ediləcək şəxslərin sayının daha çox olacağı ehtimal edilir.
Görünən odur ki, bu proses nəticəsində də işinin itirənlərin sayı az olmayacaq.
Xatırladaq ki, ötən yazımızda Sumqayıt Dövlət Universitetində də attestasiya keçirilməsi və nəticədə attestasiyadan təxminən 200 işçi keçə bilməməsi barədə məlumat vermişdik. Universitetlə əlaqə saxlamağımıza baxmayaraq cavab ala bilməmişdik. Çünki, Ali təhsil müəssisəsinin yeni təyin edilmiş mətbuat katibi Elgün Rüstəmli suallarımıza cavab verə bilməyib.
Xəbərdən istifadə edərkən istinad etmək vacibdir.
