Ümummilli Lider Heydər Əliyevin anım günü ilə əlaqədar Sumqayıt şəhər Heydər Əliyev Mərkəzində bədii qiraət müsabiqəsi keçirilib.

Mərkəzdən Xeberle.com-a verilən məlumata görə, Sumqayıt şəhər Heydər Əliyev Mərkəzinin təşəbbüsü, Təhsil şöbəsinin, Mədəniyyət və Turizm İdarəsinin, Gənclər və İdman Baş İdarəsinin dəstəyi ilə təşkil olunan bütün orta ümumtəhsil məktəblərinin qatıldığı və 50 nəfər şagirdin iştirak etdiyi müsabiqədə H. Əliyevə həsr olunan şeirləri məktəblilər böyük məhəbbətlə səsləndiriblər. 
Respublika Mədəniyyət Işçiləri Həmkarlar Ittifaqı Sumqayıt şəhər Kоmitəsinin sədri, şair Əşrəf Şəfiyev (Veysəlli), Mədəniyyət və Turizm İdarəsinin baş məsləhətçisi Ceyran Axundova, 12 №-li orta məktəbin müəllimi İradə Quliyeva, Sumqayıt şəhər Gənclər və İdman Baş İdarəsinin baş məsləhətçisi Ceyhun Hüseynov, Heydər Əliyev Mərkəzinin direktoru Aygün Zülfüqarlıdan ibarət münsiflər heyətinin qərarı ilə Orta Ümumtəhsil İnternat məktəbinin şagirdi Fatimə Abduləliyeva I yerə, Təbiət Elmləri Təmayüllü Gimnaziyanını şagirdi Aytac Əliyeva, 18 №-li orta məktəbin şagirdi Əsgərxanov Ramazan II yerə, 5 №-li orta məktəbin şagirdi Leyla Qəmbərova, 6 №-li orta məktəbin şagirdi Fidan Babayeva və "Təfəkkür” liseyinin şagirdi Fəridə İmanzadə III yerə layiq görülüblər. Tədbirdə Heydər Əliyevin həyat və fəaliyyətindən bəhs edən sənədli filmlər də nümayiş etdirilib.

Sonda qaliblərə Fəxri fərmanlar və hədiyyələr təqdim olunub.