Sumqayıt Təhsil şöbəsi məktəblərdə mütəmadi monitorinqlər aparır, şagirdlərin biliyinin qiymətləndirilməsi istiqamətində tədbirlər həyata keçirir.

Xeberle.com-un məlumatına görə, cari ilin yanvar-fevral aylarında 9-cu sinif şagirdlərinin bilik səviyyəsinin yoxlanılması ilə bağlı növbəti monitorinqlər aparılıb. Monitorinqdə şəhər təhsil şöbəsinin tabeliyində olan məktəblərin 3550 şagirdi iştirak edib.

Bununla yanaşı, ötən ay Sumqayıtda 4-cü sinif şagirdləri arasında bilik yarışı keçirilib. Üç mərhələdən olan bilik yarışında 4817 şagird iştirak edib. Son mərhələyə ən yüksək nəticə göstərən 56 şagird vəsiqə qazanıb. Riyaziyyat fənni üzrə keçirilən son mərhələdə 10 şagird yoldaşlarından daha bilikli olduqlarını nümayiş etdiriblər. Və bu şagirdlər "Qızıl onluq” siyahısına düşüblər.

Bu şagirdlər Sumqayıt Təhsil şöbəsi tərəfindən xüsusi nəzarətə götürülüb və inkişafları izlənilir.
Xeberle.com