Bu gün Sumqayıtda yeni təhsil mərkəzi açılıb. Modern.az saytı xəbər verir ki, Sumqayıtdakı Sülh Plazada fəaliyyət göstərəcək "Coasttown International” beynəlxalq imtahanlara hazırlıq, tədris və araşdırma, pesəkar təlimlər və karyera təkmilləşməsi sahəsində ixtisaslaşıb. Açılış mərasiminə Sumqayıt zıyalıları, təhsil sahəsində fəaliyyət göstərən vətəndaş cəmiyyəti nümayəndələri və gənclər qatılmışdı.
Tədbirdə vurğulandı ki, mərkəzdə IELTS {General Academic Ielts}, TOEFL, ESOL, PRE-IELTS, PRE- TOEFL, IELTS/TOEFL Speaking & Writing Workshops kimi beynəlxalq sertifikat proqramlarını xidmətləri sırasına daxil edən qurum, eyni zamanda, professional Academic English { Business, Technical, Medical, Academic Writing), xarici ölkə universitetlərinə qəbul, biznesin idarəedilməsi, maliyə idarəetməsi və texniki ixtisaslar üzrə təlimlər, ölkədaxili magistratura imtahanlarının I və II mərhələlərinə hazırlıq, dövlət qulluğuna hazırlıq məsələləri üzrə hazırlıq həyata keçirəcək.
"Coasttown International” onun xidmətlərindən faydalanmaq istəyən hər bir kəsi peşəkar həyatında və təhsilində növbəti pilləyə daşıyacaq. Müraciət edənlərin planlarını öz hədəfi seçən "Coasttown International” müraciət edənlərə müştəri kimi deyil, bələdçi kimi yanaşaraq onların potensiallarının inkişafına hər formada dəstək verəcək.
Xəbərdən istifadə edərkən istinad etmək vacibdir.
