Tələbə Qəbulu üzrə Dövlət Komissiyası (TQDK) aprelin 4-də və 5-də respublikanın 39 şəhər və rayonunda orta ümumtəhsil məktəblərinin 7-ci və 8-ci siniflərində təhsil alan şagirdlər üçün monitorinq imtahanı keçirib.
TQDK-dan AZƏRTAC-a bildirilib ki, regionlarda keçirilmiş imtahan 7-ci sinif ana dili fənnindən 123, riyaziyyat fənnindən 113, 8-ci sinif ana dili fənnindən 160, riyaziyyat fənnindən isə 151 orta ümumtəhsil müəssisəsində aparılıb.Qeyd edək ki, Bakı və Sumqayıt şəhərlərində 7-ci və 8-ci siniflərdə təhsil alan şagirdlər üçün monitorinq imtahanı aprelin 7-də və 8-də keçiriləcək. 11-ci sinifdə təhsil alanlar üçün isə aprelin 13-də, 14-də və 15-də Bakı və Sumqayıt şəhərlərində, aprelin 18–də və 19-da isə regionlarda monitorinq imtahanları təşkil olunacaq.