Sumqayıt şəhərində 4 nömrəli tam orta məktəbdə "Yeniyetmə və gənclərin ekoloji problemlər və ətraf mühitin mühafizəsi haqqında məlumatlandırılması” layihəsi çərçivəsində ilk tədbir təşkil edilib.
Layihə "İnnovativ İdeya və Təşəbbüslər” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə icra edilir.

AZƏRTAC xəbər verir ki, layihə rəhbəri İctimai Birliyin yaranması və məqsədi, layihənin donoru olan Qeyri-Hökumət Təşkilatlarına Dövlət Dəstəyi Şurası haqqında iştirakçılara məlumat verib.

Sonra layihənin məqsəd və əhəmiyyətindən, ekoloji problemlər və ətraf mühitin mühafizəsindən bəhs olunub. Layihənin eksperti şagirdlərin ekoloji biliklərinin yoxlanılması məqsədilə sual-cavab formatında söhbət aparıb.