Sumqayıt Dövlət Universitetində (SDU) yeni laboratoriyalar açılıb.
SDU-nun mətbuat xidmətindən bildirilib ki, universitetin fizika və elektroenergetika fakültəsində yaradılan laboratoriya tədrisin keyfiyyətini yüksəltmək, nəzəriyyə və təcrübənin paralelliyini təmin etmək məqsədi daşıyır. Digəri isə enerji maşınqayırması laboratoriyasıdır. Laboratoriyalarda tədris proqramlarının tələbələr tərəfindən daha dərindən mənimsənilməsi üçün ən müasir avadanlıqlar quraşdırılıb.
Bu münasibətlə keçirilən tədbirdə SDU-nun rektoru Elxan Hüseynov müəllim və tələbələri təbrik edib, ali təhsil ocağında reallaşan layihələr barədə məlumat verib.
Sonra universitetin kollektivi elektrotexnika və elektrik ölçmə texnikası laboratoriyasında yenilənmiş stendlərlə tanış olublar.
Xəbərdən istifadə edərkən istinad etmək vacibdir.
