Təhsil Nazirliyi tərəfindən elan olunan Təhsildə inkişaf və innovasiyalar üzrə 1-ci qrant müsabiqəsinin yekunu ilə bağlı brifinq keçirilib.
Xeberle.com-un "Report”a istinadən məlumatına görə, nazirliyin Təhsilin inkişafı proqramları şöbəsinin müdiri Emin Əmrullayev qeyd edib ki, müsabiqə dövlət ümumi təhsil müəssisələri və bu müəssisələrdə çalışan pedaqoji işçilər üçün elan edilib. Müsabiqə çərçivəsində ümumi təhsil müəssisələri kateqoriyası üzrə 78, fərdi kateqoriya üzrə isə 213 layihə təklifi daxil olub.
Təşkilat Komitəsi Ekspert Qrupunun rəyi əsasında ümumi təhsil müəssisələri kateqoriyası üzrə 37, fərdi kateqoriya üzrə 83 layihənin dəstəklənməsini məqsədəuyğun sayıb. Barələrində müsbət qərar qəbul olunmuş 120 layihənin maliyyələşdirilməsi Təhsil Nazirliyi tərəfindən təsdiqlənib.
Sumqayıt şəhərində fəaliyyət göstərən 25 saylı orta məktəbin I qrant müsabiqəsinə təqdim etdiyi "Valideyn nəzarət sistemi vasitəsilə təhsilin keyfiyyətinin yüksəldilməsi və müəllim peşəkarlığının artırılması” layihəsinin maliyələşdirilməsi Təhsil Nazirliyi tərəfindən təsdiqlənib. Layihəyə ayrılan məbləğ 9500 AZN-dir.
Xəbərdən istifadə edərkən istinad etmək vacibdir.
