Xeberle.com-a verilən məlumata görə, təlim bu dəfə "Təhsil sahəsində tətbiq edilən yeni metodlar və psixoloji işin bu metodlara uyğunlaşdırılması” mövzusuna həsr edilib.

Ekspert qismində Azərbaycanın bu sahədə tanınmış mütəxəssislərdən biri olan Svetlana Məcidova iştirak edib.

Təlimə Sumqayıt şəhər orta məktəblərindən seçilmiş 20 psixoloq qatılıb.

Qeyd edək ki, bu təlim layihə çərçivəsində təşkil ediləcək son təlim idi. Bundan sonra layihə çərçivəsində bir seminarın və psixoloqların bilik və bacarıqlarının artırılması mövzusuna həsr edilmiş dəyirmi masanın təşkili nəzərdə tutulub. Layihənin icrası və təşkil ediləcək tədbirlər barədə daha geniş məlumatlar veriləcək.