Dövlət İmtahan Mərkəzi (DİM) buraxılış imtahanları və ali təhsil müəssisələrinə yeni qəbul qaydaları ilə bağlı Sumqayıt şəhərində elmi-metodiki seminarlar keçirəcək.
DİM-dən AZƏRTAC-a bildiriblər ki, seminarlarda 2019-cu ildə tətbiqi nəzərdə tutulan ümumi təhsil pilləsində təhsilalanların yekun qiymətləndirilməsi (buraxılış) imtahanlarının və ali təhsil müəssisələrinə qəbul imtahanlarının modeli, buraxılış imtahanlarının yeni qaydaları, buraxılış imtahanları proqramı, test tapşırığı nümunələri və qiymətləndirmə meyarları haqqında ətraflı məlumat veriləcək.
Seminarlar Azərbaycan dili, riyaziyyat və ingilis dili fənləri üzrə təşkil olunacaq.
Xəbərdən istifadə edərkən istinad etmək vacibdir.
