"Sumqayıt məktəblərində təhsil nəticələrinin yüksək olması ənənəsi artıq formalaşıb”.
Bunu Sumqayıtda XI sinfin buraxılış imtahanlarının nəticələrinin Bakıdan yüksək olmasının səbəblərini izah edərkən Azad Müəllimlər Birliyinin sədri Məlahət Mürşüdlü deyib.
O vurğulayıb ki, məzunların sayı az olsa da, keyfiyyət baxımından Sumqayıt şagirdləri həmişə yüksək nəticələrlə fərqlənib:
"Bunun nədən başladığını söyməkdə çətinlik çəkirəm. Ancaq təcrübəmdən irəli gələrək deyə bilərəm ki, Bakıdan fərqli olaraq Sumqayıt müəllimləri daha vicdanla çalışır. Müxtəlif təlim proqramlarından, imkanlar daxilində geniş materiallarından istifadə edirlər.
Ənənə 20-25 il əvvəldən var idi. Bu istiqamətdə orada məqsədyönlü iş aparılır. Mükəmməl nəzarət var, həm müəllim fəaliyyətinə, həm davamiyyətə və s. diqqət edilir. 
Məktəblərdə pedaqoji mühitin olması, müəllimlərin peşəkarlığının yoxlanması üçün mütəmadi monitorinq aparılır. Bütün bunlar da təlimin, təhsilin keyfiyyətinə təsir göstərən amillərdir”.

Xəbərdən istifadə edərkən istinad etmək vacibdir.