Hər bazar günü Azərbaycan televiziyasının (AzTV)
efirində gedən, Təhsil Nazirliyinin təsis etdiyi "Breyn rinq"
intellektual oyununda keçirilən "Bilik
kuboku"nun finalında Sumqayıt komandası qalib olub.
Xeberle.com-un verdiyi
məlumata görə, keçirilən final oyununda "Sumqayıt
""Homebridge", "Piar Kvradrat", "İçərişəhər klubu' komandaları yarışıblar.
Həlledici suala doğru cavab verən "Sumqayıt" komandası
"İçərişəhər" komandasını məğlub edərək kubokun qalibi olub və verilişin baş sponsoru Nar mobiledan
mobil telefon qazanıb. Bundan başqa qalib komandaya Kapital bankdan 3000 AZN məbləğində pul mükafatı, Təhsil Nazirliyindən
xüsusi planşetlər hədiyyə olunub.
Qeyd edək ki, "Sumqayıt"
komandasında Camal Məmmədov, Emil Yusublu, Qorxmaz Aydınlı, Cabir Məmmədov, Elmar Zöhrablı yarışıblar.
Komandanın kapitanı isə Səid Canıyevdir.
Elnarə Salamova
Xeberle.com
Xəbərdən istifadə edərkən istinad etmək vacibdir.
