Müsabiqədə çıxış edən Təhsil Şöbəsinin Metodiki kabinetinin müdiri Gülbahar Haqverdiyeva və Baş İdarənin Gənclərlə iş sektorunun baş məsləhətçisi Pərvin Rəsulov iştirakçıları salamlayaraq, əsası Ümummili Lider Heydər Əliyev tərəfindən qoyulmuş dövlət gənclər siyasətindən, ölkə və şəhər rəhbərliyinin gənc nəslə göstərdiyi diqqət və qayğıdan, Respublikada dövlət gənclər siyasətinin uğurlu inkişafından danışıblar.

Qeyd olunub ki, məqsəd "Azərbaycan gəncliyi 2017 – 2021-ci illərdə” Dövlət Proqramından irəli gələn vəzifələri icra etmək, gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, elmin nüfuzunu artırmaq və asudə vaxtlarının səmərəli təşkil etməkdir. Bildirilib ki, şəhərimizdə də gənclərimizin hərtərəfli inkişafı üçün əlverişli şərait yaradılmış, müasir tələblərə cavab verən yeni obyektlər istifadəyə verilib.

Müsabiqədə şəhərin 47 orta ümumtəhsil məktəbin VII-XI sinif şagirdləri olmaqla ümumilkdə 81 şagird öz bilik və bacarıqlarını sınayıblar. Gərgin şəraitdə keçən bilik mübarizəsinin sonunda I yerə Hüseynov Cahangir Elşən oğlu, II yerə Suleymanov Rəşad Yaşar oğlu və Həbibov Rüstəm İlqar oğlu, III yerəisə Balamiyev Fərid Faiq oğlu və Əmirov Rüfət Nizami oğlu layiq görülüblər.

Qaliblərə Baş İdarənin fəxri fərman, hədiyyəvə medalları təqdim edilib.

Qeyd edək ki, qaliblər Bakı şəhərində təşkil olunacaq oyunun final mərhələsində Sumqayıt şəhərini təmsil etmək hüququnu qazanıb.