Sumqayıtda yerləşən "N” saylı hərbi hissədə şəhər
Gənclər və İdman Baş İdarəsi və Təhsil şöbəsinin birgə təşkilatçılığı ilə
"Şahin” hərbi-idman oyununun şəhər birinciliyi keçirilib.
Xeberle.com-a verilən məlumata görə, tədbirdə çıxış edən Sumqayıt şəhər Gənclər və İdman Baş İdarəsinin rəis əvəzi
Mübariz Bəşirov, Təhsil şöbəsinin metodisti İlham Mirzəliyev bu kimi hərbi-idman
oyunlarının mütəmadi olaraq keçirilməsinin yeniyetmə
və gənclərdə vətənpərvərlik tərbiyəsinin gücləndirilməsinə, ordu sıralarına
hazırlanmasında mühüm əhəmiyyət kəsb etdiyini vurğulayıblar.
Qeyd olunub ki, görkəmli dövlət xadimi Heydər Əliyevin 1993-cü ildə xalqın tələbi ilə
hakimiyyətə gəlməsi Respublikamızda ordu quruculuğu sahəsində də mühüm tədbirlərin
həyata keçirilməsinə, cəbhədə vəziyyətin müsbət istiqamətdə dəyişməsinə təkan
verib. Silahlı Qüvvələrə göstərilən diqqət və qayğının nəticəsində ordunun mərkəzləşdirilmiş
maddi-texniki təminatı əhəmiyyətli dərəcədə yaxşılaşdırılıb, peşəkar və vətənpərvər
şəxsi heyət formalaşdırılıb. Uğurla davam etdirilən dövlət siyəsətinin nəticəsidir
ki, bu gün Azərbaycan ordusu Ali Baş Komandan İlham Əliyevin əmri ilə bir həmlədə
torpaqlarımızı işğaldan azad etmək qüdrətinə malikdir və "Şanlı Aprel Döyüşləri”
bunu bir daha sübut edib.
Yarışın səkkiz mərhələsi üzrə gedən gərgin mübarizədən
sonra Təbiət Elmləri Təmayüllü Gimnaziyanın komandası şəhər birinciliyinin
qalibi olub.
1 nömrəli tam orta məktəbin komandası II, 17
nömrəli tam orta məktəbinkomandası III yerlərə layiq görülüb.
Qeyd edək ki, I yerin qalibi "Şahin” hərbi-idman
oyununun Xaçmaz rayonunda keçiriləcək zona mərhələsində iştirak edəcək.
Xəbərdən istifadə edərkən istinad etmək vacibdir.
