"Son illərdə ölkədə təhsil alan əcnəbi tələbələrin sayında artım müşahidə edilir”.
Xeberle.com modern.az-a istinadən xəbər verir ki, bunu təhsil naziri Ceyhun Bayramov Azərbaycan müəllimlərinin XV qurultayında hesabat çıxışı zamanı deyib.
Nazirin sözlərinə görə, 2017-2018-ci illərdə ölkənin ali təhsil müəssisələrində 76 ölkədən 5871 nəfər əcnəbi tələbə təhsil alıb.
Bu da əvvəlki tədris ili ilə müqayisədə 17 faiz artım deməkdir. C.Bayramov tədris şəraitinin yaxşılaşdırılması məqsədilə son beş ildə 500-dən çox məktəb binası və modul tipli məktəblər tikildiyini bildirib.
"Bu da 1 milyondan çox şagirdin təlim şəraitinin yaxşılaşması deməkdir. Cari ilin sonuna qədər 817 yerlik modul tipli məktəblərin tikintisi başa çatdırılacaq”.
Nazir vurğulayıb ki, son illər kadr hazırlığının səmərəsinin və keyfiyyətinin yüksəldilməsi məqsədi ilə 34 peşə təhsili bazasında 14 peşə təhsili mərkəzi yaradılıb.
"Son 2-3 il ərzində peşə məktəblərinə 4-5 qiymətləri ilə qəbul olanların sayı 3 dəfədən çox artıb. Ötən qurultaydan bu vaxta qədər 14 kollec birləşdirilərək 7 kollec yaradılıb, 6 kollec universitetlərin ixtiyarına verilib”.
Xəbərdən istifadə edərkən istinad etmək vacibdir.
