Dekabrın
20-də Təhsil naziri Ceyhun Bayramov Sumqayıt şəhərindəki Heydər Əliyev
Mərkəzində Xızı, Qubadlı rayonlarının və Sumqayıt şəhərinin sakinlərini
qəbul edib.
Xeberle.com xəbər verir ki, qəbulda Xızı rayonunda və Sumqayıt şəhərində müvəqqəti
məskunlaşmış məcburi köçkünlər də iştirak ediblər.
Qəbuldan əvvəl Təhsil naziri Ceyhun Bayramov və Sumqayıt Şəhər İcra
Hakimiyyətinin başçısı Zakir Fərəcov ümummilli lider Heydər Əliyevin
abidəsi önünə gül dəstələri düzərək xatirəsini ehtiramla yad ediblər.
Nazirliyin struktur rəhbərlərinin iştirakı ilə keçirilən qəbulda
vətəndaşlar əsasən müəllimlərin işə qəbulu və yerdəyişməsi, həmçinin
digər məsələlərlə bağlı müraciətlər ediblər.
Nazir Ceyhun Bayramov vətəndaşların müraciət və təkliflərini fərdi
qaydada diqqətlə dinləyib, hər bir müraciətin operativ şəkildə
araşdırılması, qaldırılan məsələlərin qanunvericiliyə uyğun həlli
istiqamətində nazirliyin aidiyyəti qurumlarının rəhbərlərinə konkret
tapşırıqlar verib.
Xəbərdən istifadə edərkən istinad etmək vacibdir.
