Xeberle.com-a verilən məlumata görə, toplantıda ümumi təhsil müəssisələrində milli qiymətləndirmənin aparılması və şagirdlərin summativ qiymətləndirilməsi ilə bağlı məsələlər müzakirə olunub.

1-11 iyun tarixlərini əhatə edəcək ümumi təhsil pilləsində fənlər üzrə keyfiyyət dəyişikliklərini dəyərləndirmək məqsədilə təşkil olunan milli qiymətləndirmənin təfərrüatlarından bəhs edilib. Milli qiymətləndirmənin əyani şəkildə IV, VI və IX siniflərdə, onlayn formatda isə II-VIII və X siniflərdə təşkilinin təmin edilməsi iclas iştirakçılarının nəzərinə çatdırılıb. Həmçinin bəzi məktəblərdə milli qiymətləndirmənin həyata keçirilməsi də vurğulanıb.

Summativ qiymətləndirmədə üzürlü səbəbdən iştirak edə bilməyən şagirdlərin üçün qiymətləndirmənin məktəb tərəfindən təşkil edilməsi və digər məsələlər müzakirə edilib.

Onlayn toplantıda qeyd edilən məsələlər ilə əlaqədar məktəb direktorlarına müvafiq tapşırıqlar verilib.

Sonda iclas iştirakçılarının sualları cavablandırılıb.