Sumqayıt
şəhər Təhsil Şöbəsinin tabeliyində fəaliyyət göstərən ümumi təhsil
müəssisələrinin bir qismində şagirdlər üçün "Yay məktəbi” çərçivəsində
ekskursiyalar, muzey dərsləri və digər öyrədici fəaliyyətlər təşkil
olunub.
Məktəblilər
Hərbi Qənimətlər Parkına, Şəhidlər Xiyabanına, qədim tarixi abidəmiz
Şirvanşahlar Sarayı kompleksinə ekskursiya ediblər. Onlar Hərbi
Qənimətlər Parkında 44 günlük Vətən müharibəsində müzəffər ordumuzun
qazandığı Qələbədə əldə olunan qənimətlərlə yaxından tanış olublar.
Həmçinin Şəhidlər Xiyabanını ziyarət edərək ölkəmizin azadlığı uğrunda
şəhid olmuş əsgər və zabitlərimizin əziz xatirəsini yad ediblər.
3
nömrəli tam orta məktəb və Təfəkkür liseyinin ibtidai sinif müəllimləri
Sevinc Əhmədova və Aygün Səfərli açıq havada "Yay məktəbi”
məşğələlərini əylənərək öyrətmək üçün şagirdlərin iştirak etdiyi maraqlı
oyunlar təşkil ediblər.
11
nömrəli tam orta məktəbdə isə IX sinif şagirdləri sinif rəhbəri Elnarə
Qurbanzadənin təşəbbüsü ilə 44 günlük Vətən müharibəsinin qəhrəmanlarına
həsr olunmuş "Zəfər pərləri” sənədli filmini izləyiblər.
Sumqayıt
Tarix muzeyini, eləcə də Qobustan Milli-Tarix Bədii Qoruğu ziyarət edən
məktəblilər burada müxtəlif eksponat, həmçinin qayaüstü təsvirlər,
qədim və orta əsrlər tarixinə aid olan yazılar həkk olunmuş abidlərlə
tanış olublar. Onlara Qobustanın minilliklər ərzində dəyişən təbiət
aləmi, qədim yaşayış məskənləri haqda məlumat verilib.
Xatırladaq
ki, 16-30 iyun tarixlərini əhatə edən "Yay məktəb” i ərzində
ekskursiyalar, muzey dərsləri, açıq havada məşğələlər və digər öyrədici
fəaliyyətlər həyata keçirilir.
Xəbərdən istifadə edərkən istinad etmək vacibdir.
