Sumqayıtda məktəbəhazırlıq qruplarında təhsilə
cəlb olunanların sayı açıqlandı.
Oktyabrın 1-dən məktəbəhazırlıq qruplarında əyani formada
məşğələlər başlayıb
Xeberle.com-un məlumatına görə, Sumqayıtda 42 ümumi təhsil müəssisəsində isə 3200-ə
yaxın beşyaşlı təhsiulə cəlb olunub.
Qeyd edək ki, dövlət ümumi təhsil müəssisələrində
yaradılan məktəbəhazırlıq qruplarına 5 yaşı həmin il tamam olan uşaqlar qəbul
edilirlər. Məktəbəhazırlıq qruplarında məşğələlər həftədə 4 gün keçilir. Bir
gün ərzində 3 məşğələ tədris olunur. Mövcud pandemiya şəratinə görə bu il
hazırlanan yeni Tədris Planına əsasən siniflərdə şagirdlərin sayının 30-dan çox
olmasına icazə verilməyəcək.
Yeni tədris planında uşaqların dərs ili ərzində
payız, qış və yaz tətilləri də müəyyən olunub. Məşğələlərin mayın 31-də başa
çatması planlaşdırılır. Qruplarda həftəlik dərs yükünə uyğun məşğələ saatları
12 saat nəzərdə tutulur. Məşğələləri yalnız ibtidai sinif müəllimləri aparacaq.
Bir məşğələnin müddəti 30, məşğələlərarası fasilə isə 10 dəqiqə olacaq. Zərurət
yaranarsa, tənəffüslər uzadıla bilər.
Bu qruplarda uşaqlara ev tapşırığı
verilməyəcək. Onların nailiyyətləri şifahi formada qiymətləndiriləcək.
Xədicə Səxavətqızı
Xəbərdən istifadə edərkən istinad etmək vacibdir.
