Sumqayıt məktəblərində çalışan psixoloqlar üçün "Məktəb Psixoloqu” layihəsi üzrə təlimlər keçirilir. Bu haqda Ailə, Qadın və Uşaq Problemləri üzrə Dövlət Komitəsi məlumat yayıb.
29-30 noyabr tarixlərində Təhsil İnstitutunda keçirilən təlimlər Komitənin və Təhsil Nazirliyinin birgə əməkdaşlığı çərçivəsində təşkil edilib.
Burada iştirak edən 400-ə yaxın psixoloqla intihara cəhd etmiş, eyni zamanda zorakılığa (cinsi, psixi, fiziki) məruz qalmış uşaqlarla işin təşkili, valideynlərlə aparılan görüşlərin effektiv üsulları barədə məlumatlar verilib, həmçinin müxtəlif problemli vəziyyətlər üzərində iş aparılması məsələləri müzakirə edilib.
Qeyd edək ki, təlimi uğurla bitirən iştirakçılara sertifikatlar təqdim ediləcək.
Xəbərdən istifadə edərkən istinad etmək vacibdir.
