Azərbaycan -Türkiyə əməkdaşlığı çərçivəsində "Junior Media İnspectors" adlı layihəyə start verilib.
Türkiyədən Hamza Evmez və Azərbaycandan Sumqayıt şəhər İsmət Qayıbov adına 1 nömrəli tam orta məktəbin müəllimi Aidə Ələkbərovanın tərəfdaşlığı ilə keçirilən layihə çərçivəsində ilk onlayn seminar keçirilib.
"Media savadlılığı və Dezinformasiya nədir?" mövzusunda keçirilən seminarın qonağı Xeberle.com informasiya portalının baş redaktoru Ramil Zeynallı olub.
Seminarda layihənin 37 nəfərlik müəllim və şagird heyəti iştirak edib. R. Zeynallı şagirdlərə jurnalist etikası, informasiyanı necə əldə etmək və əldə edilmiş informasiyanın dəqiqliyini necə yoxlamaq haqqında ətraflı məlumat verib.
Sonda təlimçi seminar iştirakçılarını maraqlandıran sualları cavablandırıb.
Xəbərdən istifadə edərkən istinad etmək vacibdir.
