Sumqayıt şəhər N.Tusi adına 12 nömrəli tam orta məktəbin kollektivinə ağır itki üz vermişdir.Məktəbin Azərbaycan dili və ədəbiyyat müəllimi Mirvari İbrahimova 2022-ci il yanvarın 21-də ağır xəstəlikdən sonra dünyasını dəyişmişdir.
O, 1995-ci ildən məktəbimizdə müəllim kimi fəaliyyətə başlamış,bu illər ərzində fənninin tədrisi ilə bağlı metodiki üsullara əməl etmiş, yüksək pedaqoji ustalığa malik olmuşdur.
Müəllim ömrü haqdan yanan bir şama bənzər.Öz ömrünü--gününü şagirdlərinin xoş gələcəyi uğrunda sərf edir,bundan usanmır.Əgər ömür vəfa etsəydi, baharda Mirvari müəllimin 60 illik yubileyini qeyd edəcəkdik...
Yaxşılıq etməsən əgər insana,
Böyüklük şərəfi verilməz sana!
Müdrik Nizaminin öz qüdrətini əsrlər boyu saxlayan bu kəlamında həqiqət var.Vaxtsız ölüm səmimi, mehriban,əməksevər bir insanı bizdən ayırsa da,əməlləri, qazandığı hörmət və ehtiramla görə Mirvari müəllim daim onu sevənlərin qəlbində əbədi yaşayacaqdır!
Bizdən ayrı düşənlərə bir ehtiram borcumuz var!
Ruhun şad olsun, əziz həmkarımız!
Hörmətlə:12 nömrəli tam orta məktəbin kollektivi.
Xəbərdən istifadə edərkən istinad etmək vacibdir.
