2 Fevral – Azərbaycan Gəncləri Gününün təsis edilməsinin 25 illiyi münasibətilə Sumqayıt şəhər Gənclər və İdman Baş İdarəsinin, Təhsil Şöbəsi nəzdində Gənc Müəllimlər Şurasının birgə təşkilatçılığı ilə Heydər Əliyev mərkəzində "Gənclik yeni zəfərlərə doğru” adlı breyn-rinq keçirilib.
Xeberle.com xəbər verir ki, yarışın keçirilməsində məqsəd gənclərin dünya görüşünün, intellektual səviyyəsinin artırılması, həmçinin onlar arasında sağlam elmi rəqabət mühitinin yaradılması və asudə vaxtlarının səmərəli təşkil edilməsidir.
Yarışa Sumqayıt şəhəri üzrə ümumtəhsil məktəblərini təmsil edən şagirdlərdən ibarət komandalar qatılıb.
İntellktual yarşda I yeri 12 nömrəli tam orta məktəbin "Tusi”, II yeri 13 nömrəli tam orta məktəbin "Zəka”, III yeri isə 22 nömrəli tam orta məktəbin "Zəfər” komandaları tutub.
Qalib komandalar Baş İdarənin fəxri fərmanı, medal və hədiyyələri ilə təltif edilib.
Xəbərdən istifadə edərkən istinad etmək vacibdir.
