Fevralın 27-də cari tədris ili üçün RFO-nun respublika mərhələsinin yarımfinal turu keçirilib.
Yarımfinal turu 7 fənn üzrə Bakı şəhərində 6, Naxçıvan Muxtar Respublikasında 1 və şəhərimizdə General-mayor Polad Həşimov adına 28 nömrəli tam orta məktəbdə təşkil edilib.
Olimpiada Azərbaycan dili və ədəbiyyatı, riyaziyyat, fizika, kimya, biologiya, tarix və coğrafiya fənləri üzrə keçirilib. Şagirdlər 3 saat ərzində fənlər üzrə sualları cavablandırıblar.
Məlumat üçün bildiririk ki, Respublika mərhələsinin yarımfinal turunun nəticələri www.portal.edu.az, www.olimpiada.edu.az saytlarında və iştirakçıların təhsil aldıqları ümumtəhsil müəssisəsələrində 4 mart tarixindən etibarən elan olunacaq.
Qeyd edək ki, RFO "Kapital Bank”ın sponsorluğu ilə təşkil edilir.
Xəbərdən istifadə edərkən istinad etmək vacibdir.
