Sumqayıt şəhər Gənclər və İdman Baş İdarəsinin, şəhər Təhsil Şöbəsinin birgə təşkilatçılığı ilə 13 aprel 2022-ci il tarixində ümumtəhsil müəssisələrinin IX-XI sinif şagirdləri arasında "Xəmsə” formatında keçirilən "Şuşa Kuboku” adlı bilik yarışının sonuncu IV zona mərhələsinə yekun vurulmuşdur.
Məqsəd gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, onlar arasında elmin nüfuzunu artırmaq, eləcə də asudə vaxtlarının səmərəli təşkili istiqamətində yeni üsullar tətbiq etməkdir.
Yarışın yekun nəticəsinə əsasən, 17 saylı tam orta məktəbin "Dəmir Yumruq” komandası I, 10 saylı tam orta məktəbin "Uğur” komandası II, 9 saylı tam orta məktəbin "Xarı-Bülbül” komandası isə III yerlərə layiq görülmüşdür.
Qalib komandalar Baş İdarənin fəxri fərman və hədiyyələri ilə təltif edilmişdir.
Xəbərdən istifadə edərkən istinad etmək vacibdir.
