Aprelin 1-də gecə saatlarında Oxot dənizində Rusiyaya məxsus "Dalniy Vostok” trauleri batıb. Modern.az saytının Rusiya mətbuatına istinadən verdiyi xəbərə görə, gəminin heyət üzvləri arasında xeyli azərbaycanlı da olub. 
63 nəfərin öldüyü, 15 nəfərin isə itkin düşdüyü gəmi qəzasında zərərəçəkənlərdən neçəsinin azərbaycanlılar olduğu hələ ki dəqiqləşməyib. Xilas edilən 117 nəfərdən bəzilərinin ağır vəziyyətdə olduğu bildirilir.
"Dalniy Vostok” traulerinin heyət üzvləri arasında olmuş azərbaycanlılar aşağıdakı şəxslərdir:
matroslar - F.Abdullayev, M.Səfərov, İ.Sadıqöv;
4-cü mexanik - M.Talıbov; 
ustalar - Y.Əliyev, E.Əliyev, A.Rəhimov.
Soyadları açıqlanan azərbaycanlıların Rusiya vətəndaşları olduğu bildirilir. Bu siyahının dəyişəcəyi də mümkündür. 
Ümumilikdə gəmidə 132 nəfər (sərnişinlər və heyət üzvləri) olub ki, onlardan da 78-i Rusiya, 54-ü xarici vətəndaşlardır. (modern.az)