Sumqayıt şəhər Hacı Zeynalabdin qəsəbəsinin icra nümayəndəliyi və qəsəbə bələdiyyəsi müqəddəs Ramazan Bayramı ərəfəsində şəhid ailələri üçün iftar süfrəsi təşkil edib.
Xeberle.com xəbər verir ki, tədbirdə şəhid ailələri və dindarlar iştrak edib. İftar süfrəsində şəhidlərimizin əziz xatırələri bir dəqiqəlik sükutla yad edilib, onların ruhuna dualar oxunub, müqəddəs Ramazan ayının fəzilətlərindən bəhs edilib.
Görüşdə çıxış edənlər Azərbaycanın müqəddəs Ramazan Bayramını qalib ölkə olaraq, öz ərazi bütövlüyünü bərpa etmiş qüdrətli bir dövlət olaraq qeyd etdiyini bildirib.
İştirak edən şəhid ailələrinin üzvləri göstərilən yüksək diqqət və qayğıya görə prezident İlham Əliyevə və birinci vitse-prezident Mehriban Əliyevaya təşəkkürlərini bildiriblər.
Xəbərdən istifadə edərkən istinad etmək vacibdir.
