Sumqayıtın Hacı Zeynalabdin qəsəbəsindəki 19 saylı məktəbin idman zalında 2016-cı il təvəllüdlü Fərid Bakarova ağır xəsarətlər yetirərək ölümünə səbəb olan 1994-cü il təvəllüdlü Mehman Xəlilov 9 ildən 12 ilə qədər həbs edilə bilər.
Bu sözləri Pravda.az-a açıqlamasında vəkil Elçin Sadıqov deyib.
O bildirib ki, Mehman Xəlilov Cinayət Məcəlləsinin 126.3-cü maddəsi ilə təqsirləndirilir: "Həmin maddədə qəsdən sağlamlığa ağır zərər vurma - ehtiyatsızlıqdan zərərçəkmiş şəxsin ölümünə səbəb olduqda göstərilir. Bu maddənin sanksiya həddinə görə, Mehman Xəlilovu 9 ildən 12 ilə qədər azadlıqdan məhrumetmə cəzası gözləyir. Yəqin, istintaq dövründə aydınlaşacaq ki, hadisə ehtiyatsızlıqdan baş verib, yoxsa həmin hərəkətlər ölümə yönəlmişdi. Buna uyğun cəza müddəti dəyişə bilər”.
Xəbərdən istifadə edərkən istinad etmək vacibdir.
