Elm və Təhsil naziri Emin Əmrullayev yay tətilinin qısaldılmasını təklf edib. Nazir deyib ki, tədris ili nə qədər uzun olarsa, uşaqların gələcəyi üçün yaxşı olar. Ekspertlər hesab edir ki, təhsil müddətinin uzadılması indiki halda doğru addım olmaz.
Xeberle.com xəbər verir ki, təhsil eskperti Elçin Əfəndi arb-yə bildirib ki, DİM tərəfindən qəbul imtahanlarının nəticələrinin elan olunması, tələbələrin yerləşdirilməsi sentyabr ayının 15-i və ya sonuna təsadüf edir. Belə olan halda dərslər sentyabrın 1-də başlayacaqsa, bu proses yekunlaşmalıdır.
Deputat Ceyhun Məmmədov isə qeyd edib ki, may ayının sonundan hamı tətil və tətilə getmək barədə düşünür. İyun ayında uzadılan 15 gün səmərəsiz gedir.
Xəbərdən istifadə edərkən istinad etmək vacibdir.
