Vahid məktəbli formasına keçidlə bağlı tədris ilinin sonunda bütün məktəblərin pedaqoji şura iclası keçirilib.
Xeberle.com-un məlumatına görə, bu barədə Bakı Şəhəri üzrə Təhsil İdarəsinin müdiri Mehriban Vəliyeva jurnalistlərə açıqlamasında deyib.
"Şurada təlimata uyğun olaraq, məktəbli forması seçimləri aparılıb. Bu seçimlərlə də sentyabr ayından yeni məktəbli formasına keçid prosesi başlanılacaq. Bu il əsasən yeni məktəbli formalarının tətbiq edilməsi nəzərdə tutulub. Biz yeni məktəbli formasına keçidi istəyirik. Çalışacağıq ki, valideynlər bununla bağlı problemlər yaşamasınlar”,- deyə M.Vəliyeva əlavə edib.
Xatırladaq ki, bu il Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrindən 26 453 şagird 11-ci sinifdən məzun olacaq.
Xəbərdən istifadə edərkən istinad etmək vacibdir.
