Ölkəmizdə son illər həyata keçirilən iqtisadi islahatlar və həyata keçirilən böyük quruculuq işləri Sumqayıtın da simasını dəyişib. Sumqayıtda abadlıq- quruculuq işləri ilə yanaşı, çoxsaylı istehsal müəssisələri yaradılıb, səhiyyə və təhsil müəssisələri istifadəyə verilib. Lakin bununla belə, hələ də həllini tapmayan müəyyən məsələlər var”.
Xeberle.com xəbər verir ki, bunu deputat Müşfiq Məmmədli parlamentin bu gün keçirilən növbədənkənar sessiyasında çıxışı zamanı deyib .
Onun sözlərinə görə, əhalisinin sayı qırx minə yaxın və əsasən də gənc ailələrdən ibarət olan Hacı Zeynəlabdin Tağıyev qəsəbəsi tarixi ənənələri olan bir yaşayış məntəqəsi olsa da, burada gənclərimiz məşgulluq problemləri ilə üzləşirlər.
"Ona görə də hər dəfə seçicilərlə görüşdə onlar tərəfindən məşğulluq problem ilə yanaşı, gənclərin asudə vaxtın keçirilməsi və idmanla məşgul olmaq üçün idman kompleksinin yaradılması məsələsi qaldırılır”, - o qeyd edib.
Deputat eyni zamanda əlavə edib ki, digər məsələ isə müxtəlif tədbirlərin həyata keçirilməsi üçün mədəniyyət sarayının olmamasıdır.
"Nəzərinizə çatdırım ki, hələ sovetlər dönəmində fəaliyyət göstərən, əlçatanlıq baxımından uyğun yerdə - parkda yerləşən, 102 yaşlı bir tarixi klub binası uzun illərdir ki, qapalı qalıb. Hazırda bu bina Azərsu ASC balansındadır və istifadəsizdir. Bu binanın bir mədəniyyət ocağı kimi sakinlərə xidmət etməsi həm uyğun bir addım, həm də tarixi ənənənin yaşadılması baxımından çox önəmli bir iş olardı.
H.Tağıyev qəsəbəsində iki 3 saylı xəstəxana və 7 saylı ASM səhiyyə müəssisəsi fəaliyyət göstərir. 3 saylı xəstəxana binası 1916-cı ildə Tağıyev tərəfindən malikanə kimi tikilmiş, 1924-cü ildən isə xəstəxana kimi fəaliyyət göstən ilk tibb müəssisəsidir. Ailə Sağlamlıq Mərkəzi (ASM) isə Müdafiə Nazirliyinin balansında olan barak tipli tikilidə fəaliyyət göstərir. Səhiyyə nazirimiz çox hörmətli Teymur Musayevdən çoxsaylı tibb işcilərimizin adından xahiş edirik ki, indiki səhiyyə islahatları konteksində ASM və xəstəxananın bir yerdə fəaliyyət göstərməsi üçün yığcam bir binanın inşası, bu tarixi binanın isə Sumqayıt səhiyyə tarixi muzeyi kimi rekonstruksiya edilməsi, çox mühüm bir addım olardı. Bununla biz əhalimizə daha modern və əlçatan səhiyyə xidmətinin verilməsinə nail olarıq”.
Xəbərdən istifadə edərkən istinad etmək vacibdir.
