2023-cü ildə Yay fəsli Azərbaycana 21 iyun saat 18:57-də daxil olacaq.
Xeberle.com xəbər verir ki, bu barədə Şamaxı Astrofizika Rəsədxanasından məlumat verilib.
Həmin gün Şimal yarımkürəsində ən uzun gündüz və ən qısa gecə, Cənub yarımkürəsində isə əksinə olaraq ən qısa gündüz və ən uzun gecə olur. Sonra gündüzün uzunluğu azalmağa başlayır və Günəş zenitdə getdikcə cənuba doğru yerini dəyişir. Yay günəş duruşu günü Yerin fırlanma oxu Günəş istiqaməti ilə ən kiçik bucaq əmələ gətirir və Günəş həmin gün günorta vaxtı üfüqdən maksimum hündürlüyə (73⁰.1) qalxır.
Xəbərdən istifadə edərkən istinad etmək vacibdir.
