İyunun 23-də Sumqayıtda Dövlət Məşğulluq Agentliyinin Abşeron-Xızı Regional Məşğulluq filialının dəstəyi ilə əmək yarmarkası təşkil olunub.
TNS xəbər verir ki, səhər saat 11-dən fəaliyyətə başlayan yarmarkaya Sumqayıt şəhəri üzrə 28 müəssisə qatılıb və 238 vakant iş yeri təqdim edilib. Bunlardan 197 yer peşə tələb olunan, 41 yer isə ixtisas tələb olunan sahələr üzrədir. Ümumi vakansiyalar üzrə 36 operator, 32 fəhlə, 7 sürücü, 3 avtokran sürücüsü, 4 ekspeditor, 3 elektrik, 49 satıcı, 6 çilingər və digər iş yerləri mövcuddur. Həmçinin ali təhsil tələb edən boş yerlərdən mühasib, SƏTƏM mütəxəssisi, menecer, interyer dizayneri və sair vakansiyalar iş axtaranlara təqdim olunur.
Yarmarkaya gələn namizədlər şəxsiyyət vəsiqələrini və CV-lərini təqdim edərək vakansiyalar, iş öhdəlikləri və şərtlər haqqında ətraflı məlumat alır, maraqlandıqları təkliflə tanış olurlar. Seçim edənlərlə göndəriş verilir. Yarmarka saat 13-ə kimi davam edəcək.
Xəbərdən istifadə edərkən istinad etmək vacibdir.
